د کوزوو تاریخي جومات د بیا رغونې چارې پای ته رسېدلی

ایکنا - د کوزوو د کامینیتسا تاریخي جومات چې د ۱۹ پیړۍ سره  مربوط دی، د بیا رغونې کار یې بشپړ شو.

د ایکنا د راپور له مخې چې د muslimsaroundtheworld له قوله خپور شوی، د کوزوو په کامینیتسا ښار کې د «مشینا» تاریخي جومات چې د اسلامي میراث یو له مهمو تاریخي او معمارۍ شواهدو څخه دی، د بیا رغونې پروسه پای ته ورسېده.

دا جومات چې په ۱۸۸۶ کال کې جوړ شوی و، د خپل ځانګړي لرګینې  مینارې له امله په سیمې کې د اسلامي معمارۍ یو استثنایي اثر ګڼل کېږي.

«مشینا» جومات د خپل ځانګړي لرګینې  مینارې له امله شهرت لري چې نه یوازې د هنري ارزښت لرونکی اثر دی، بلکې د مسلمانانو د ټولنې د فرهنګي او ديني هویت یو سمبول هم دی. دغه میناره هغه ځانګړی تاریخ او جوړښت رانغاړي چې د کوزوو په زړه کې د قدیمو ودانیزو طریقو یو  انعکاس دی.

د بیا رغونې عملیات د معیاري مسلکي معیارونو سره سم ترسره شول، چې اصالت او ځانګړتیاو ته د حفظ کولو پر تمرکز  ئې د جومات تاریخې او معمارۍ ارزښتونه خوندي کړل. دا کار په دې معنا دی چې د جومات د تاریخې او معمارۍ ارزښتونه نه یوازې خوندي پاتې کیږي، بلکه د دې فرهنګي او مذهبي کارکردګۍ ادامه هم تضمین کیږي.

د جومات د بیا رغونې لګښتونه د کوزوو د فرهنګ، ځوانانو او ورزش وزارت له لورې تمویل شوي. د دغه وزارت وزیر «خیرالله چیکو» د بیا رغونې پروسې بریالیتوب اعلان کړی او و ئیلي  ئې دي  چې د اسلامي میراث ساتنه اوس د یوه دولتي مسؤولیت برخه شوې ده چې هدف ئې د فرهنګي  ودانیو  ساتنه او د راتلونکي نسلونو لپاره یې بیا رغول دي.

د «مشینا» جومات بیا رغونه ښئي چې د فرهنګي میراث ساتنه یوازې د ډبرو او ودانیو ترمیم نه دی، بلکې د یوه بشپړ هویت او یادګار ساتنه ده. په کوزوو کې د مسلمانانو د ټولنې ودانۍ بیا رغونه د اسلامي تمدن د شتون لپاره یوه مهمه اړتیا ده، چې راتلونکو نسلونو ته دا فرصت ورکوي چې خپل تاریخ په یوه ژونده تصویر کې وګوري او نه یوازې د تیر تاریخ هېر شوي آثار وګوري.

https://iqna.ir/fa/news/4329362